في تصنيف نكت و مقالب بواسطة
وقت فات كنت عايش في دار ماني و كانت وحدة تكسن قدامهم طالعة زلة فالشباب .. ربي عطاها وحد الزين اقسم بالله لبنات و يكحلوا عليها .. حبة مالمفقودين هههههه
papها كيما تقول هي تالمون مرفه بزاف كون يخبش شعروا طيح بوطة تع دراهم ...و هي كانت تقرا فاليسي كنت نديغوتي منها كنت حاسها تتقوعر بزاف
سيغتوا كي اجوز عليا ماتشوفش فيا كامل مالغري خوك بوقوص و حطة ...ايا اومبعد انا بنيت داري وحدي و رحلت منتما... وحد النهار رحت عند ماني
لقيت بنت خالي وحد المهبولة الله لا يشوفك تسوطي وحدها و عينيها تغرغروا بالدموع كي شافتني ههههه قاتلي عندي هدرة معاك مخك يفريني
ايا جبدنا للطرف و قلتلها ايه واش كاين يالة .. قاتلي ديك نهار فلانة دارت لانيفارسار ديالها و عرضتني المهم قاتلي كي كلينا و شربنا
و شطحنا و طلقنا هبالنا و عيينا قعدنا نحكيوا و بدات القصرة على ليجان كل وحدة تحكي على لي يعجبها و تتمنى تتزوج بيه
ايا نطقت الفيونسي ديالي و قالتلهم انا يعجبني واحد و نتمنى يكون المسيو ديالي ..بنت خالي قالتلي سكتت شوية
اومبعد خزرت فيا و قالت اسمك ههههههه حكمت بنت خالي مشعرها و تشنتشفتها قلتلها راكي تكدبي سووور
بدات تحلفي بلي صح قاتلي هادي ماشي عفسة لي نكدب فيها ... قلتلها بلاك كانت تزعق برك
حبت تلعبلك عالمورال قاتلي لالا كانت سيريو صحبتها زادت قالتلي بلي وليد عمتك
يعجبها بزاف و دايمن تحكي غير عليها .. هدرتها دوختني علابالك هههههههه
ايا سمانتين مورهابعثت جدي حكا مع باباها قالوا حتى نسقسيهم فالدار
غدوة منداك حكم جدي قالوا الله يبارك قربوا مرحبا بيكم
و دوكا رانا مخطوبين مابقالناش و نتزوجوا ....
نورمالمون فلافان تع الخريف ان شالله

1 إجابة

بواسطة
 
أفضل إجابة
ههههههههههه شوف المكتوب سبحان الله ربي عطاك حساب قلبك شوف ربي كي يدير السبة و يجي المكتوب مكاااااش لي يقلعه
انا تاني وحد ليستواغ بيزاغ مكنش الزواج في بالي نهائيا و الغريب انو انت وياه بندوروله على عروسة و كل مرة نقول فلانة لالا فلانة طبعها قاسح و ما تصلحلوش و هو من بنغازي و دمه حامي يعشي قاتلها داير كغيم فلانة فلانة لين دارت ليام كفاش وعلاش ما حد علاباله و تزوجنا
حاجة كن عند ربي هههههه
مرحبًا بك في موقع حياتي ، حيث يمكنك طرح الأسئلة وانتظار الإجابة عليها من المستخدمين الآخرين.
...